Rruga magjistrale A4 i cili shpien nga Strumica deri në kufirin e Bullgarisë ka rëndësi strategjike për Maqedoninë Juglindore, për shkak se përfaqëson një korridor të rëndësishëm për qarkullimin ekonomik dhe komunikacionin ndërmjet vendit tonë dhe fqinjit lindor. Kjo lidhje rrugore luan rol kyç në zhvillimin e ekonomisë lokale, përmirësimin e ofertës turistike, si dhe në krijimin e mundësive të reja afariste.

Pikërisht për këtë arsye, për sanimin e pjesëve më të dëmtuara të rrugës magjistrale A4, Ndërmarrja Publike për Rrugë Shtetërore (NPRRSH) për vitin 2025 ka siguruar mjete në vlerë prej 30 milionë denarësh. Këto mjete janë përdorur për përmirësimin e tre segmenteve të këtij drejtimi rrugor

Sanimi përfshiu pjesët pranë kryqëzimit të Robovës, nga fshati Sekirnik drejt fshatit Sushicë, si dhe rrugën përmes fshatit Novo Sellë, në gjatësi prej rreth 2 kilometrash dhe me gjerësi të ndryshueshme të korsisë prej rreth 6.5 metra. Në total, janë rinovuar 10.500 metra katrorë sipërfaqe asfalti, me gërvishtjr të plotë të shtresave të vjetra dhe të dëmtuara dhe vendosje të 2.000 tonëve asfalt të ri.

Zbatues i punimeve është Ndërmarrja Publike për Mbrojtje dhe Mirëmbajtje të Rrugëve Magjistrale dhe Rajonale (NP “Rrugët e Maqedonisë”).

Sanimi i segmenteve, në pjesën pranë kryqëzimit të Robovës, nga fshati Sekirnik më drejtim të fshatit Sushicës dhe në fshatin Novo Sellë, do të mundësojë lëvizje më të shpejtë, më të lehtë dhe më të sigurt për të gjithë udhëtarët dhe shoferët. Infrastruktura e rinovuar do të rrisë sigurinë, do të zvogëlojë kohën e udhëtimit dhe do të përmirësojë komoditetin e komunikacionit, gjë që do të reflektoj pozitivisht jo vetëm te popullsia lokale, por edhe te bizneset që varen nga kjo rrugë.

Me qëllim të rritjes së ndjeshme të sigurisë në komunikacion dhe përmirësimit të nivelit të shërbimeve për banorët që gravitojnë drejt Komunës së Strugës, Ndërmarrja Publike për Rrugë Shtetërore (NPRRSH) në Programin për mirëmbajtjen dhe mbrojtjen e rrugëve shtetërore ka ndarë 20 milionë denarë për sanimin e rrugës rajonale R2243. Ky drejtim rrugor përfaqëson një lidhje kyçe për popullsinë lokale, pasi kalon nëpër disa vendbanime dhe ka rëndësi teje të madhe për udhëtim të përditshëm të qytetarëve, furnizimin me mallra dhe zhvillimin e turizmit në rajon.

Mjetet e planifikuara do të shfrytëzohen për sanimin e plotë të segmentit që shtrihet nga fshati Dollno Tateshi deri në Misllodezhdë, në gjatësi prej 3.500 metrash. Projekti parasheh ndërhyrje ndërtimore me qëllim përmirësimin e infrastrukturës dhe mundësimin e lëvizjes më të sigurt dhe më efikase të automjeteve.

Aktivitetet ndërtimore, të cilat po i realizon NP “Rrugët e Maqedonisë”, përfshijnë zgjerimin e korrsisë nga 3.8 metra në 5 metra, gjë që do të mundësojë kalim më të lehtë të automjeteve dhe do të zvogëlojë rrezikun nga aksidentet rrugore. Për nevojat e projektit është paraparë gërmimi i 3.000 metra kub material dheu, vendosja e 900 metra kub tampon për stabilizimin e shtresës dhe asfaltim me gjithsej 1.200 ton asfalt.

Me realizimin e këtij investimi do të përmirësohet cilësia e rrjetit rrugor, do të lehtësohet qasja në vendbanimet rurale, dhe njëkohësisht do të nxitet zhvillimi ekonomik dhe do të përmirësohen kushtet për jetesë të popullsisë lokale. Për më tepër, infrastruktura e përmirësuar do të mundësojë komunikim më të shpejtë dhe më të sigurt në nivel lokal dhe rajonal.

Me këto 17 kilometra të vënë në funksion udhëtimi drejt qendrës turistike Ohër bëhet më i shpejtë, më i rehatshëm dhe më e rëndësishmja mbi gjitha – më i sigurt!

Drejtori i Ndërmarrjes Publike për Rrugë Shtetërore, Koce Trajanovski, së bashku me Kryeministrin e RMV-së, Hristijan Mickoski, ministrin e Transportit, Aleksandar Nikoloski, kryetarin e Komunës së Ohrit, Kiril Pecakov, si dhe një numër i shumtë deputetësh,  mysafirë dhe këshilltarë, inauguruan zyrtarisht këtë aks rrugor.

“Ky është një hap i madh përpara për qytetarët dhe ekonominë – një sukses i përbashkët i të gjithë atyre që ishin pjesë e këtij projekti. Konkretisht, kanë përfunduar punimet ndërtimore në dy segmente: një pjesë e nënsegmentit 4 (Klimeshtan–Trebenishtë) dhe i gjithë nënsegmenti 5 (Trebenishtë–Ohër), në gjatësi totale prej 17 kilometrash, duke përfshirë pjesën nga Klimeshtani deri në Ohër. Autostrada është me gjerësi totale prej 26.5 metra dhe përmban të gjitha elementet konstruktive të një autostrade,” deklaroi drejtori i Ndërmarrjes Publike për Rrugë Shtetërore, Koce Trajanovski.

Me realizimin e këtyre nënsegmenteve në gjatësi totale prej 17 km, janë ndërtuar: një urë, 10 mure mbajtëse, pesë (5) nyje rrugore me ndriçim (Botun, Trebenishtë me lidhje me rrugën shtetërore A3, 6Aeroporti Shën Apostol Pavle, Podmolje, Shën Erazmo), katër (4)  mbikalime, 15 nënkalime, 80 kalime pllakash dhe cilindrike, dy (2) rrugë paralele me lidhje me objekte ekzistuese, dy (2)  lidhje me objekte ekzistuese dhe një (1) devijim të rrugës lokale për në  fshatin Klimeshtan.

Ndërmarrja Publike për Rrugë Shtetërore vazhdon të rinovojë dhe përmirësojë infrastrukturën rrugore në mbarë vendin.

Drejtori i Ndërmarrjes Publike për Rrugë Shtetërore, Koce Trajanovski, së bashku me Kryetarin e Qeverisë së RMV-së, Hristijan Mickoski, ministrin e Transportit, Aleksandar Nikolloski, dhe kryetarin e Komunës së Ohrit, Kirill Pecakov, inspektuan punimet për ndërtimin e autostradës Kërçovë – Ohër nga Klimeshtani deri në Ohër, si dhe inspektim të punimeve ndërtimore në nyjen rrugore Podmolje ku njëkohësisht mbikalimi u vu nën regjim të përkohshëm të komunikaionit.

’’Sot inspektuam dhe njëkohësisht vendosëm nën regjim të përkohshëm të komunikacionit mbikalimin që është pjesë e nyjes rrugore Podmolje, me çka do të lehtësohet ndjeshëm qarkullimi i komunikacionit dhe do të rritet siguria e pjesëmarrësve në komunikacion të cilët e përdorin këtë nyje rrugore çdo ditë në drejtim të Ohrit, Strugës apo në drejtim të Kërçovës.

Njëkohësisht dua të theksoj se me vendosjen e regjimit të përkohshëm kohor të komunikacionit do të krijohen kushte për ndërtimin e korsisë së djathtë të autostradës në zonën e nyjes rrugore, por edhe kushte për ndërtimin e pikëpagesës 1e cila shpien nga Strugë në drejtim të Ohrit dhe pikëpagesës 4 e cila shpien nga Kërçovës në drejtim të Ohrit. Presim që ndërtimi i tyre të zhvillohet shpejtë, me çka do të përparojnë punimet për përfundimin e nyjes rrugore Podmolje.

Më parë, siç e dini, që nga fillimi i muajit korrik qytetarët, turistët dhe të gjithë ata që udhëtojnë drejt Ohrit, qarkullojnë në autostradë me përjashtim në Botun, ku kemi një rrëshqitje të komplikuar të dheut që duhet zgjidhur, ndërsa me një ritëm të përshpejtuar po punohet dhe po kryhet asfaltimi në trasenë kryesore të një pjesë të autostradës në ndërtim Kërçovë – Ohër,’’ deklaroi drejtori i Ndërmarrjes Publike për Rrugë Shtetërore, Koce Trajanovski.

Ai gjithashtu shtoi se ka filluar asfaltimi i rrugës paralele qasëse Trebenishtë – Podmolje – Ohër, drejt vendbanimeve Gorenci dhe Orovnik, dhe se ka përfunduar betonimi i nënkalimit në segmentin 4 në 10+800km midis fshatit Mesheishtë dhe Trebenishtë, ndërsa në mënyrë intensive po bëhet asfaltimi i një kilometër e gjysmë rrugë në anën e majtë të autostradës pas pompës së benzinës Eko Petroll.

Me ritëm të pandërprerë po punohet në mbikalimin tek fshati Podmolje në rrugën rajonale, por edhe në aksin rrugor në Shën Erazmo, ndërsa në shiritin qendror po vendoset gardh elastik mbrojtës, ndërsa në Trebenishtë po punohet në nënkalimin në të cilin po ndërtohen muret mbështetëse si dhe po punojmë në mënyrë intensive në zgjidhjen e lidhjes me pompat e benzinës. 

Me ritëm të përshpejtuar, po punohet dhe po asfaltohet në trasenë kryesore të një pjese të autostradës në ndërtim Kërçovë-Ohër.

Drejtori i Ndërmarrjes Publike për Rrugë Shtetërore, Koce Trajanovski, së bashku me ekipin inxhinierik, realizoi një inspektim të aktiviteteve në trasenë, ku u informua se po punohet me intensitet të shtuar dhe se punimet nga kompanitë Granit, Sinohydro dhe Ilinden po zhvillohen në të gjitha nënsegmentet e autostradës.

Përveç asfaltimit, po vendoset gardh elastik, po betonohen kalime pllakash dhe kalime cilindrike, po rregullohen nyje rrugore dhe mbikalime, po vendoset ndriçimi etj.
Pritet që shumë shpejt, për një periudhë të shkurtër, të vihet në funksion edhe një segment tjetër i autostradës në ndërtim Kërçovë-Ohër.

Nga inspektimi në terren ishte e dukshme lëvizshmëria në trasë, ku kontraktorët së bashku me nënkontraktorët po punojnë me një kapacitet të plotë. Drejtori i NPRRSH-së Koce Trajanovski shprehu falënderim publik për të gjithë pjesëmarrësit që janë aktivisht dhe maksimalisht të përkushtuar dhe të përfshirë në realizimin e këtij projekti të rëndësishëm.

Po punohet në mënyrë intensive për ndërtimin e autostradës Prilep-Manastir në gjatësi prej rreth 40 km, e cila është pjesë e Korridorit 10d dhe e projektit për ndërtimin e katër akseve rrugore, që realizohen nga konsorciumi amerikano-turk Bechtel dhe Enka.

Drejtori i Ndërmarrjes Publike për Rrugë Shtetërore, Koce Trajanovski, në terren u njoftua për statusin aktual të realizimit të aktiviteteve ndërtimore, ku u njoftua se aktualisht është mundësuar punë e pandërprerë në një gjatësi prej rreth 11.5 km dhe se po kryhen aktivitete ndërtimore për ndërtimin e 1 ure, 2 nënkalime, 2 mbikalime, 4 kalime pllakash dhe 22 kalime cilindrike. Në këto pozicione punojnë rreth 700 persona dhe janë përfshirë më shumë se 400 makina dhe mekanizma të ndryshëm nga Kontraktori dhe nënkontraktorët.

Në ndërkohë janë duke u zhvilluar punime të tokës në një pjesë të trasesë kryesore, po bëhet pastrimi i vegjetacionit, largimi i shtresës së humusit, ndërsa në një pjesë të trasesë kryesore ka filluar ndërtimi i mbushjeve. Deri më tani janë kryer gërmime prej rreth 660,000.00m³ tokë, janë vendosur 350,000.00 m³ material për mbushje, janë prodhuar 30,000.00 m³ beton për përfundimin e punimeve të betonit në aksin rrugor. Është ndërtuar edhe një kamp për akomodim të përkohshëm me një kapacitet për më shumë se 750 persona.

Çdo punë në terren sjell sfida. Kështu është edhe në këtë trasë, ku ende është në proces heqja dhe shkatërrimit i mjeteve shpërthyese të vjetra, të cilat i hasëm në një pjesë të trasesë, ndërsa për gjetjet e mundshme arkeologjike, nga ana e institucioneve kompetente është siguruar mbikëqyrje e herëpashershme dhe e vazhdueshme e trasesë. Në të dy rastet, punimet për ndërtimin e aksit rrugor në lokacionet spërkatëse ndërpriten derisa të sigurohen konfirmimet përkatëse se trasa e planifikuar është e pastër dhe nuk ka pengesa për vazhdimin e punimeve.
Konstruksioni financiar për këtë segment të infrastrukturës rrugore është vlerësuar në 260 milionë euro sipas studimit të fizibilitetit.

Ndërmarrja Publike për Rrugë Shtetërore gjatë periudhës së fundit i është përkushtuar nyjeve rrugore rreth kryeqytetit, ku dëmtimet ishin të mëdhaja.
Kështu, përmes NP për Mirëmbajtjen dhe Mbrojtjen e Rrugëve Magjistrale dhe Rajonale ( Rrugët e Maqedonisë), kemi realizuar sanimin e rrugës së dëmtuar në nyjen rrugore në afërsi të Bellvit dhe nyjes rrugore të Hipodromit.

Më konkretisht, në periudhën e fundit, për shkak të dëmtimit të madh të rrugës, është kryer sanimi ndërhyrës i përkohshëm, për shkak të dëmtimeve të mëdha ishte vënë në rezik siguria e pjesëmarrësve në komunikacion. Me sanimin e tyre, e rikthyem sigurinë në komunikacion. Gropat e mëdha nuk paraqesin më një rrezik dhe ky sanim i realizuar na jep hapësirë dhe kohë t’i përkushtohemi projektit për rehabilitimin e nyjes rrugore, për të cilin tashmë është dhënë urdhër për përgatitje, projekt lidhur me rehabilitimin dhe sanimin e përhershëm të qarkores në Shkup, duke përfshirë hyrjen dhe daljen në të.

Drejtori i Ndërmarrjes Publike për Rrugë Shtetërore, Koce Trajanovski, mëngjesin e sotëm së bashku me kryetarin e Komunës së Ilindenit, Aleksandar Georgievski dhe në prani të zëvendësdrejtorit të NP ’’Rrugët e Maqedonisë’’ Aleksandar Shukovski, dhe udhëheqësit të Njësisë për mbështetjen e punës së drejtorit Lulzim Shaqiri, realizuan kontrollë mbi punimet e realizuara gjatë periudhës së kaluar kur u sanuan dëmtimet.

“Sanimi është bërë me urdhërin tonë (të NPRRSH-së), ndërsa e realizoi NP për Mirëmbajtjen dhe Mbrojtjen e Rrugëve Magjistrale dhe Rajonale “Rrugët e Maqedonisë’’. Është kryer sanim i pjesëve më të dëmtuara të nyjes rrugore në afërsi të Bellvit dhe të nyjes rrugore në Hipodrom. Në nyjen rrugore në afërsi të Bellvit janë sanuar: krahu për dalje nga Shkupi në drejtim të Ilindenit dhe krahu nga Bellvi në drejtim të Shkupit. Ndërsa në nyjen rrugore në Hipodrom janë sanuar pjesë te rrugës së nyjes rrugore, krahu për lidhje me qarkoren nga ana e Milladinovcit dhe krahu për dalje nga qarkorja për në Kumanovë. Gjithsej janë sanuar 21.000 m2 si dhe është vënë 4.500 ton asfalt. Vlera e punimeve është 57 milionë denarë, mjete të siguruara përmes programit të NPRRSH-së. Falënderoj për bashkëpunimin konstruktiv Komunën e Ilindenit si dhe NP “Rrugët e Maqedonisë’’ për sanimin e kryer. Vazhdojmë më tej me sanimin ndërhyrës të përkohshëm aty ku ka nevojë’’, deklaroi drejtori i Ndërmarrjes Publike për Rrugë Shtetërore, Koce Trajanovski.