Drejtori i Ndërmarrjes Publike për Rrugë Shtetërore, Koce Trajanovski dhe drejtori i Bankës Evropiane për Rindërtim dhe Zhvillim (BERZH), Fatih Turkmenogllu, sot në Qeveri nënshkruan Marrëveshjen për grant.

’’Sot po nënshkruajmë një grant ndërmjet NPRRSH-së dhe BERZH-it, që është pjesë e Kornizës së Investimeve të BE-së për Ballkanin Perëndimor në vlerë prej 30,8 milionë euro si dhe huamarrjes prej 167,6 milionë euro për ndërtimin e autostradës Shkup – Bllacë. Autostrada që do të ndërtohet është në gjatësi prej 10,5 kilometra, ndërsa së bashku me 1.5 kilometrat e ndërtuara më parë, gjatësia totale e autostradës është 12 kilometra. Gjerësia e përgjithshme e autostradës është 24.5 metra. Kjo autostrada duhet t’i afrojë qytetarët e Maqedonisë dhe Kosovës. Ky investim ka një rol jetik në zhvillimin ekonomik dhe social të rajonit verilindor të vendit dhe lehtëson transportin ndërkombëtar dhe tregtinë në rajon’’- deklaroi drejtori i Ndërmarrjes Publike për Rrugë Shtetërore, Koce Trajanovski para nënshkrimit të grantit.

Nënshkrimi i Marrëveshjes së Grantit ndërmjet Ndërmarrjes Publike për Rrugë Shtetërore dhe Bankës Evropiane për Rindërtim dhe Zhvillim (BERZH), lidhur me grantin investues nga Fondi i Përbashkët i Evropës dhe Ballkanit Perëndimor për (Projekti i Autostradës të rrjetit të transportit trans-europian TEN-T në kufirin ndërmjet Maqedonisë së Veriut dhe Kosovës), në thelb paraqet një marrëveshje për grant investues me qëllim të kompletimit të strukturës financiare për realizimin e projektit të ndërtimit të autostradës Shkup (nyja rrugore Stenkovec pranë Shkupit) deri te pika kufitare Bllacë, në gjatësi prej rreth 10.5 kilometra.

Në ceremoninë solemne të nënshkrimit morën pjesë dhe mbajtën fjalim edhe Kryetar i Qeverisë së Republikës së Maqedonisë së Veriut, z. Mickoski, zëvendëskryetari i Qeverisë, Aleksandar Nikoloski dhe ambasadori i BE-së, Mihalis Rokas.

Aksi rrugor Shkup – Bllacë, do të filloj nga nyja Stenkovec dhe do të përfundoj te nyja rrugore në territorin e fshatit Bllacë. Zgjidhja e paraparë e autostradës do të ketë dy drejtime rrugore, secila me nga dy korsi trafiku me gjerësi prej 3.5 metra dhe një shirit  anësor për ndalim me gjerësi prej 2.5 metra. Gjerësia totale e projektuar e autostradës do të jetë rreth 24.5 m. Për shkak të specifikatave të terrenit që është kodrinor – malor, i cili është pjesë e masivit të Malit të Zi të Shkupit, në kuadër të trasesë së autostradës janë projektuar një numër i madh objektesh për ndërtim: 11 nënkalime, 8 ura, 4 galeri, 9 mure mbajtëse dhe 5 tunele me dy tuba (majtas dhe djathtas).

Me sigurimin e kësaj huamarrje si dhe grantit investues të pakthyeshëm dhe me ndërtimin e autostradës Shkup – Bllacë dukshëm koha e udhëtimit do të shkurtohet, do të përmirësohet siguria në trafik, do të ulen kostot e mirëmbajtjes së automjeteve.

Ndërmarrja Publike për Rrugë Shtetërore po e zgjeron rrjetin e shitjes së pajisjeve M-Tag për pagesë elektronike të taksës rrugore. Përmes partneritetit strategjik me operatorët celular A1 Maqedoni dhe Telekomi i Maqedonisë, pajisjet tani bëhen më të qasshme për qytetarët në të gjitha pikat e tyre të shitjes në mbarë vendin.

Drejtori i Ndërmarrjes Publike për Rrugë Shtetërore, Koce Trajanovski së bashku me drejtorët kryesor ekzekutiv të operatorëve celular A1 Maqedoni, Metodija Mirçev dhe të Telekomit të Maqedonisë, Goran Markoviq, konfirmuan bashkëpunimin, bashkëpunim i cili është përgjigje e kërkesave të shoferëve  për shërbim më të shpejtë dhe më efikas

Në vend të praktikës së derimëtanishme për furnizim të M-tag pajisjeve vetëm në pikat pagesore në mbarë vendin ose në hapësirat e NPRRSH-së në Qendër, qytetarët tani mund ta sigurojnë pajisjen e tyre M-Tag në pikën më të afërt të shitjes të dy operatorëve celular. “Qëllimi ynë përfundimtarë është modernizimi dhe minimizimi i pranisë njerëzore në procesin e pagesës. Me stimulimin e pagesës elektronike, sigurojmë qarkullim më të shpejtë të automjeteve, rrisim sigurinë dhe që është më e rëndësishme, i eliminojmë mundësitë për keqpërdorim të sistemit”, deklaroi drejtori i Ndërmarrjes Publike për Rrugë Shtetërore, Koce Trajanovski.

Paralelisht me digjitalizimin, NPRRSH po punon edhe në zgjerimin e terrenit. Këto ditë filloi ndërtimi shtesë i pikë pagesës në Milladinovci, me qëllim eliminimin e “ngushticës” në këtë segment rrugor. Deri në përfundim të punimeve, u bëjmë apel shoferëve ta shfrytëzojnë pikë pagesën në Petrovec e cila ka kapacitet më të madh.

Sot u realizua inspektim i aktiviteteve ndërtimore në akset rrugore Gostivar–Bukojçan dhe Kërçovë–Ohër, të cilat janë pjesë e Korridorit 8, një nga projektet më të rëndësishme infrastrukturore në vend.

Drejtori i Ndërmarrjes Publike për Rrugë Shtetërore, Koce Trajanovski, së bashku me kryetarin e Qeverisë së Republikës së Maqedonisë së Veriut, Hristijan Mickoski, dhe nënkryetarin e Qeverisë, Aleksandar Nikolloski, gjatë inspektimit përgjatë trasës konstatuan përparim të dukshëm në realizim, organizim të mirë në terren si dhe angazhim të lartë të makinerisë dhe fuqisë punëtore.

Korridori 8 ka rëndësi strategjike për shtetin dhe përfaqëson një projekt kyç për përmirësimin e lidhjes rrugore, rritjen e sigurisë në trafik dhe nxitjen e zhvillimit ekonomik. Me realizimin e këtyre akseve rrugore, shteti pozicionohet më tej si një rrugë transit e rëndësishme dhe si pjesë aktive e rrjeteve evropiane të transportit.

“Lidhur me aktivitetet ndërtimore në aksin rrugor Gostivar–Bukojçan, aktualisht po punohet në 11 kilometra nga gjithsej 31 kilometra të planifikuara. Në funksion janë kampi për 1.200 persona dhe baza e betonit. Ura B0070 në kilometrin e shtatë është plotësisht e kalueshme, ndërsa po vijojnë punimet përfundimtare në rrugë. Po ashtu, po punohet në mënyrë aktive edhe në dy ura, një mbikalim dhe në mbrojtjen e shpateve në zonën e Gostivarit dhe vendbanimeve përreth. Përparimi i përgjithshëm i punimeve në këtë aks rrugor është 59,98%. Edhe në aksin rrugor Tetovë–Gostivar po punohet pa ndërprerje në rreth 14 nga gjithsej 17,5 kilometra, me punime aktive infrastrukturore dhe tokësore, dislokim të instalimeve dhe ndërtimin e rrugës paralele dhe infrastrukturës së drenazhit. Është konstatuar se punimet po zhvillohen sipas dinamikës së paraparë, pa ndërprerë qarkullimin në vendbanimet përreth. Dislokimet janë obligim i ‘Bechtel & Enka’ ne po punojmë intensivisht së bashku për zgjidhje sa më të shpejtë të tyre, dhe mendoj se për një kohë shumë të shkurtër do të shihet punë shumë më intensive”, tha në deklaratën për mediat drejtori i Ndërmarrjes Publike për Rrugë Shtetërore, Koce Trajanovski.

Inspektimi vazhdoi në autostradën në ndërtim Kërçovë–Ohër, ku përpos ndërtimit të 6 galerive dhe 8 mureve mbështetëse, u realizua edhe pyllëzim i planifikuar i shpateve me qëllim stabilizimin e tyre afatgjatë dhe mbrojtjen nga erozioni. Në periudhën nëntor–shkurt u mbollën 200.000 fidane në katër nënsegmente. Janë mbjellë pishë, bagremë dhe panjë, ndërsa kontrollet tregojnë një përparim të shkëlqyer të fidanëve. Me këtë aktivitet sigurohet siguri më e madhe në rrugë dhe përmirësim i mjedisit jetësor.

Autostrada Kërçovë–Ohër, me gjatësi pre 57 kilometrash, ka hyrë në fazën përfundimtare. Vlera totale e projektit është 803 milionë euro, nga të cilat deri më tani janë realizuar rreth 629 milionë euro. Në terren janë angazhuar 953 punëtorë dhe mbi 400 makina ndërtimore, nën udhëheqjen e kompanisë “Sinohydro”, si dhe kompanive vendase “Granit” dhe “Ilinden”. Projekti po realizohet me një dinamikë financiare stabile dhe me fokus në infrastrukturën rrugore cilësore dhe të sigurt.

Vazhdon edhe rehabilitimi në Presekë, në segmentet Izvor–Vërbjan dhe Botun–Klimeshtan, në gjatësi prej 15,1 kilometrash. Projekti ka vlerë prej rreth 6,5 milionë euro, ndërsa realizimi aktualisht është 50%. Aktualisht po zhvillohen aktivitete për vendosjen e asfaltit të ri dhe pajisjeve moderne të sigurisë. Afati për përfundim e punimeve është në tetor të vitit 2026.
Institucionet kompetente dhe Qeveria mbeten plotësisht të përkushtuara në ndjekjen e vazhdueshme të realizimit të projekteve, respektimin e afateve dhe sigurimin e një infrastrukture rrugore moderne dhe të sigurt në interes të qytetarëve dhe zhvillimit afatgjatë të shtetit.

Pas nënshkrimit të mëparshëm të Aneksit numër 8 të Marrëveshjes për ndërtimin e autostradës Kërçovë – Ohër nga ana e Zëvendëskryetarit të Qeverisë i angazhuar për Sistem Politik, Lupço Dimovski, dhe Zëvendëskryeministrit dhe ministrit të Transportit Aleksandar Nikolloski, sot nënshkruan edhe drejtori i Ndërmarrjes Publike për Rrugë Shtetërore, Koce Trajanovski, dhe përfaqësuesi gjeneral i Sinohidro në vendin tonë, Çen Çen.

Me Aneksin numër 8 të Marrëveshjes duhet të mundësohet përfundimi i punimeve ndërtimore në autostradën në ndërtim e sipër, pas çka janë parashikuar 186 milionë euro shtesë dhe një afat përfundimi deri më 31 maj të vitit 2027. Kjo është e domosdoshme për shkak të punimeve të reja të paparashikuara dhe shtesë të ndërtimit që janë të nevojshme dhe thelbësore për përfundimin e plotë dhe cilësor të projektit dhe aktiviteteve ludhur me:

1. Sanimin e 14 rrëshqitjeve të dheut dhe sigurimin e stabilitetit global,
2. Rrethojës elastike mbrojtëse duke përdorur standardin EN 1317,
3. Ndërtimit të një qendre kontrolli,
4. .Punime shtesë për ndërtimin e rrugëve paralele

Me këtë janë tejkaluar sfidat e projektit me pjerrësitë dhe rrëshqitjet e dheut dhe mund të vazhdohet më intensivisht me aktivitetet ndërtimore.

Përndryshe, në periudhën e kaluar, veçanërisht vitin e kaluar, me mbështetje të fortë nga Qeveria, është përshpejtuar progresi i projektit, kështu që më 13 korrik, 7 shtator dhe 31 dhjetor 2025, u mundësua hapja e hershme e 13,5 kilometrave, 12,34 kilometrave dhe 2,12 kilometrave të pjesëve të para të trasesë – rrugës kryesore nga Vrbjani në Botun, si dhe Klimeshtani – Ohër, me një gjatësi totale të dy rrugëve prej 27,96 kilometra.

Gjithashtu, u ndërtuan disa nga rrugët hyrëse për në fshatrat përreth, me ç’rast u arritën rezultate të rëndësishme gjatë fazave të ndryshme të ndërtimit.

Gostivar – Bukojçan është një nga katër segmentet që po ndërtohen në Korridorin 8 dhe Korridorin 10, dhe aktualisht është mundësuar punë e pandërprerë në rreth 35% të gjatësisë së përgjithshme, gjegjësisht po punohet në 11 km nga gjithsej 31 km, dhe punimet po zhvillohen nga kilometri i 4-t deri në të 13-tin.

Pikërisht në këtë pjesë të trasesë, inspektim realizuan drejtori i Ndërmarrjes Publike për Rrugë Shtetërore, Koce Trajanovski, së bashku me kryeministrin e RMV-së, Kristian Mickoski, ministrin e Transportit Aleksandar Nikolloski, Shkëlqesia e saj . Nikol Varns, ushtruese detyre ambasadore e Shteteve të Bashkuara të Amerikës, përfaqësues të Bechtel dhe Enka, si dhe politikanë të tjerë, me qëllim që të njihen nga afër me dinamikën e ndërtimit.

Në deklaratën për mediat, drejtori Trajanovski, konstatoi se ka një ritëm të shkëlqyer pune edhe gjatë periudhës dimërore, se po punohet në mënyrë aktive në 4 ura dhe 1 mbikalim, dhe se ura-binjake që kalon mbi luginë dhe mbi kanalin ekzistues të ujitjes (ujësjellësin), paraqet një ndërtim serioz inxhinierik dhe është një nga më të mëdhatë në shtet me një gjatësi prej 386 metrash.

“Ura ka gjithsej 22 shtylla, ku shtylla më e lartë është pothuajse 41 metra, ndërsa gjerësia e saj totale është 24.52 metra. Çdo korsi veçmas ka nga 11.57 metra, dhe përbëhet nga 2 korsi për qarkullim me gjerësi prej 3.50 m dhe një korsi ndalimi me gjerësi prej 2.75 m. Midis tyre ka një hapësirë sigurie – të ashtuquajturat barriera ‘New Jersey’ me gjerësi 80 cm (50 cm + 30 cm). Gjithashtu, në të dy skajet e urës janë vendosur barriera ‘New Jersey’ në gjerësi prej 51 cm. Ura është në fazën përfundimtare të ndërtimit dhe tashmë mund të qarkullohet në të dyja korsitë.

Progresi i përgjithshëm i punimeve të përfunduara në 11 km, në të cilat punimet zhvillohen pa pengesa, shprehur në përqindje arrin pothuajse 59%. Vetëm brenda një jave në këtë segment janë realizuar rreth 45,000 m³ gërmime, rreth 1,800 m³ mbushje, dhe janë të angazhuar rreth 590 punëtorë, më shumë se 500 makineri ndërtimore dhe mjete të ndryshme mekanike, si dhe rreth 55 kamionë. Në këto shifra përfshihen edhe të gjithë nënkontraktorët lokalë dhe kompanitë e ndryshme, të cilat janë rreth 15 në numër. Për nevojat e punëtorëve të Bechtel dhe Enka, është ndërtuar gjithashtu një kamp i përkohshëm akomodimi dhe pune me kapacitet për më shumë se 1,200 persona,” deklaroi drejtori i Ndërmarrjes Publike për Rrugë Shtetërore, Koce Trajanovski.

Punimet po zhvillohen në afërsi të vendbanimeve Debresh, Zdunj, Gostivar, Banjicë dhe Mitroj Krsti, ku dhe po kryhet gërmimi i materialeve për mbushje dhe përgatitja e elementeve të betonit për t’u vendosur në objektet përgjatë trasës. Me ritëm të pandalur po punohet edhe në dy segmentet e tjera që po ndërtohen nga Bechtel dhe Enka: Tetovë–Gostivar dhe Prilep–Manastir.

Drejtori i Ndërmarrjes Publike për Rrugë Shtetërore (NP për Rrugë Shtetërore), Koce Trajanovski, zhvilloi një takim me ambasadoren e sapoemëruar të Republikës Popullore të Kinës në Republikën e Maqedonisë së Veriut, Ekselenca e Saj Jiang Xiaoyan.
Në takim u shpreh kënaqësi e përbashkët për bashkëpunimin e deritanishëm mes dy vendeve, si dhe pritshmëri që ambasadorja e re do të kontribuojë në thellimin e mëtejshëm të marrëdhënieve miqësore dhe përmirësimin e bashkëpunimit në fushën e ekonomisë, infrastrukturës dhe investimeve.

Në këtë drejtim u theksua se NP për Rrugë Shtetërore tashmë ka një bashkëpunim të suksesshëm me Republikën Popullore të Kinës përmes kompanisë kineze “Sinohydro”, e cila është kontraktori i punimeve të autostradës Kërçovë–Ohër, një nga projektet më të rëndësishme infrastrukturore në vend.
Drejtori Trajanovski në deklaratën e tij theksoi se bashkëpunimi me institucionet dhe kompanitë kineze tashmë po jep rezultate konkrete:

“NP për Rrugë Shtetërore tashmë ka një bashkëpunim të suksesshëm me Bankën Eksim të Republikës Popullore të Kinës, me mbështetjen financiare të së cilës përmes kredisë u siguruan fondet për ndërtimin e autostradës Miladinovci–Shtip, si dhe për realizimin e autostradës Kërçovë–Ohër, ndërtimi i këtyre projekteve kapitale infrastrukturore iu besua kompanisë kineze ‘Sinohydro’, e cila punoi edhe në ndërtimin e Gradsko–Drenovë, gjegjësisht pjesë të rrugës ekspres Farish–Drenovë, si dhe në ndërtimin e rrugës ekspres Shtip–Koçani, pra Krupishtë–Koçani. E gjithë kjo përbën një bazë të fortë për përmirësimin dhe zgjerimin e mëtejshëm të bashkëpunimit mes dy vendeve”, deklaroi Trajanovski.
Drejtori Trajanovski dhe ambasadorja Xiaoyan konstatuan se bashkëpunimi në infrastrukturë dhe investime do të vazhdojë.