Трајановски:„Создаваме услови за побезбедни и посигурни патишта на начин што ја подигаме институционалната соработка на повисоко ниво за справување со проблемите“

На иницијатива на Јавното претпријатие за државни патишта, а со цел за поголема безбедност во сообраќајот и поефикасно одржување на магистралните и регионалните патишта се одржа координативен состанок на кој свое учество земаа претставници од Министерството за внатрешни работи, Државниот инспекторатот за транспорт, ЈП за одржување и заштита на магистрални и регионални патишта, како и претставници на ЈПДП.

Директорот на ЈПДП Коце Трајановски побара и доби поддршка од директорот на Бирото за јавна безбедност Александар Јанев, како и од началничката на Секторот за сообраќајни работи м-р Маја Арсовска Манов во напорите на новото раководство во за зголемување на безбедноста на патиштата и решавањето на децениски наталожените поблеми.

Во конструктивен разговор беа посочени детектираните проблеми во однос на безбедноста на патиштата кои најмногу се однесуваат на времениот режим кој понекогаш трае предолго, на оштетувањата на заштитната мрежа на патиштата, на застоите на одредени патни правци како што е семафорот кај село Здуње, гостиварско, на недоволно одвојување на средства за одржување на магистралните и регионалните патишта, на дивите продавачи на автопатиштата за што ЈПДП побара од МВР поревносно да ги остранува. Се отвори и прашањето за таканаречените неплаќачи на патарина кои не само што го оштетуваат буџетот бидејќи се работи за бројка од околу 500 илјади ненаплатени сметки, туку влијаат и на безбедноста на протокот на сообраќај кај наплатните станици. Во таа насока ЈПДП побара во блиска иднина МВР и Инспекторатот поревносно да вршат контроли во делот дали учесниците во сообраќајот извршиле наплата на патарина, а дополнително и ЈПДП ќе преземе поактивни мерки со процесирање, односно достава на фактури за ненаплатена патарина до корисниците на автопатски услуги кои не плаќаат патарина.

Трајановски, Стефковски и Митевски на увид во градежните работи на Р1102 на потегот од Хиподром до Ржаничино

Директорот на Јавното претпријатие за државни патишта Коце Трајановски заедно со градоначалникот на Општина Гази Баба Бобан Стефковски и градоначалникот на Општина Петровец Борче Митевски извршија увид во отпочнувањето на работите на повеќе локации на регионалниот пат Р1102 на потегот од Хиподром до Ржаничино, пат кој е многу фреквентен и по кој дневно поминуваат десетици илјади возила меѓу кои и многу товарни возила.

Рехабилитацијата ќе ги опфати најоштетените делови на коловозот и вкупно со овие активности на повеќе локации ќе се обнови 30 000 м² асфалт, односно околу 4,3 километри. Овие активности се одвиваат преку Програмата за одржување и заштита на државните патишта која, пак се реализира преку Јавното претпријатие за одржување и заштита на магистралните и регионалните патишта попозната како ЈП Македонијапат.

Трајановски најави и дека ЈПДП ќе се посвети и на делот од државниот пат Р1102 делница Хиподром–Петровец за што е во подготвка Проектна програма за изработка на проектна документација за реконструкција со подобрување на геометриските елементи на патот, решавање на одводнувањето на делницата, како и подобрување на режимот на сообраќај со кружни текови на соодветни места со што ќе се олесни протокот на сообраќајот.

Исто така, се подготвува и Проектна програма за изработување на проектна документација за патен јазол „Јурумлери“ на државниот пат А4, кој треба да овозможи врска на населените места Јурумлери и Илинден со автопатот А4 кон Скопје, но и кон Велес и Гевгелија. Локацијата на овој патен јазол е помеѓу патните јазли „Хиподром“ и „Мралино“.

Директорот Трајановски упати апел до граѓаните кои гравитираат по оваа делница и секојдневно го користат патот да бидат трпеливи додека трае рехабилитацијата и внимателно да ги следат сообраќајните знаци заради нивна безбедност, но и заради безбедноста на останатите учесници во сообраќајот.

Средба на Трајановски со деканот Марковски и студенти од Градежен факултет

Соработката со Градежниот факултет и Јавното претпријатие за државни патишта продолжува. Директорот на Јавното претпријатие за државни патишта Коце Трајановски оствари средба со деканот на Градежниот Факултет д-р Горан Марковски и со група студенти од повеќе катедри на факултетот кои се со висок просек.

На претходната работна средба Трајановски и д-р Марковски ветија дека ќе се заложат за успешна и плодна соработка која ќе донесе заеднички бенефит и во таа насока беше и денешната средба со студентите од повеќе насоки на катедрите на Градежен факултет.

Имено, едно од најгорливите прашање за ЈПДП е недостигот на квалитетен стручен инженерски кадар и токму затоа по претходно упатеното барање од страна на директорот Трајановски до деканот на Градежниот факултет се оствари денешната средба со младите студенти и идни инженери кои себе си можеби се гледаат и како идни градители на патната инфраструктура во државата. Всушност идејата е оваа соработка со Градежниот факултет да резултира со обезбедување на работен ангажман на градежни инженери кои успешно завршиле со студиите.

Во таа насока во подготовка е Меморандум за соработка со чие што потпишување ќе се отвори можност за идно стипендирање на студенти од Градежниот факултет, кои потоа би биле потенцијални идни стручни кадри на претпријатието. На овој начин плодната соработка помеѓу ЈПДП и Градежниот Факултет ќе се подигне на повисоко ниво, а со потпишувањето на Меморандумот системски ќе се реши континуираниот недостасток на градежни инженери во ЈП за државни патишта.

Увид во рехабилитацијата на регионалните патни правци кои транзитираат низ Велес

Директорот на Јавното претпријатие за државни патишта Коце Трајановски, заедно со премиерот на Владата Христијан Мицкоски, со министерот за транспорт и вицепремиер Александар Николоски, како и градоначалникот на Општина Велес извршија увид во рехабилитацијата на регионалните патни правци кои транзитираат низ Велес Р1102 и Р1312, односно влезовите во градот Велес север и исток. Со оваа рехабилитација Велес доби безбеден и сигурен регионален пат по кој месното население може да сообраќа без тешкотии.

„Јавното претпријатие за државни патишта има два регионални патни правци што поминуваат низ Велес и тоа P1102 и Р1312 кои ги финансираме и за кои обезбедивме 44 милиони денари во рамки на програмата за инвестиционо одржување на државните патишта, а ЈП Македонијапат ги изведе градежните работи за рехабилитација. Ова е еден добар пример за соработка со локалната самоуправа и секако за соработка со Владата. Би сакал да потенцирам дека за жал голем дел од градовите немаат обиколници и затоа ЈПДП започна со изгарадба на обиколница на Тетово, а обиколниците во Ресен и Кавадарци се во проектитрње и се надеваме дека следната година тие обиколници ќе ги градиме и откако ќе ги изградиме тие да бидат во надлежност на локалната самоуправа, а не на ЈПДП. Исто така, сакам да споменам за еден горлив проблем овде, а тоа мостот на реката Вардар кај Башино село кој е во многу лоша состојба и затоа Јавното претпријатие за државни патишта овој месец ќе отвори јавна набавка за проектирање на нов мост на река Вардар. При тоа се надеваме дека изборот ќе биде во јануари, а до летото ќе биде готов и проектот и некаде следната година октомври- ноември да се почне и со изградба на мостот кај реката Вардар”-изјави директорот на Јавното претпријатие за државни патишта Коце Трајановски.

Трајановски: „Проблемите се решаваат на терен. Изградбата на експресниот пат Градско-Фариш од витално значење за централниот и југозападниот дел на државата“

Директорот на Јавното претпријатие за државни патишта Коце Трајановски заедно со инженерскиот тим и со претставници на изведувачот и надзорот над работите изврши увид во градежните активности на експресниот пат Градско-Фариш кој е од витално значење за централниот и југозападниот дел на државата.

Изградбата на овој пат е дел од Коридорот 10д. Патен правец кој е исклучително значаен поради големата фреквенција на возила со над 6 илјади дневно меѓу кои и голем број на товарни возила. Токму затоа, и со цел решавање на проблемите, а во функција на забрзување на изградбата, директорот Трајановски е постојано на терен каде што тие најбрзо и најефикасно се решаваат. Еден од проблемите на Градско-Дреново е изведбата на косините за што се разгледуваа можните решенија за нивно надминување.

Исто така, после подолг период беше ставено во функција таканареченото возило за рамност при што се вршеше проверка на рамноста на патот на делот каде што е извршено асфалтирање. Всушност нерамнините на патот се една од главните забелешки на учесниците во сообраќајот на патиштата низ државата и затоа е важен сегмент во изградбата на новите патишта, како и во рехабилитацијата на постојните патишта.

Да потсетиме. Експресниот пат Градско-Дреново се гради во две фази. На првата делница Градско-Дреново, Изведувач на работите е Штрабаг, а Надзор е ЕГИС, а на втората делница Дреново–Фариш Изведувач на работите е СИНОХИДРО и Надзор се ГЕИНГ и ЕВРО КОНСАЛТИНГ. Вкупната должина, пак, на експресниот пат е 26 км. Со изградбата на експресниот пат значително ќе се олесни протокот на сообраќај и ќе се скрати и времето на патување од Градско кон Прилеп и Битола.

Трајановски: Зголемена фреквенција на возила кои транзитирале на патарините. Во август поминале вкупно 6.850.961 возила и наплатени се рекордни 7.804.840,оо евра

При посетата на Оперативниот центар во Петровец директорот на Јавното претпријатие за државни патишта Коце Трајановски беше информиран дека продолжува трендот на зголемување на приходите по основ на наплата на патарини. Во август годинава наплатени се 7.804.840,оо евра (седум милиони осумстотини и четири илјади осумстотини и читириест евра) што претставува рекордна месечна наплата. Споредено со истиот месец минатата година наплатени се 241.329 евра повеќе.

Инаку, Оперативниот центар во Петровец претставува една мултифункционална целина преку која се мониторира работењето на сите наплатни станици и сите активности поврзани со наплатата на патарина. За негово успешно функционирање потребно беше да се направи доекипирање во делот на контролата и во делот на електронската наплата затоа што имаше недостаток на кадар во таканаречениот Контролен центар кој 24/7 ја следи состојбата на наплатните станици во живо, преку лајв стрим, а во исто време се прави и контрола на работењето преку системот за видео надзор со прегледување на снимен видео материјал. Директорот Трајановски од вработените и од одговорните на наплатните станици побара поголема професионалност и посветеност во работата.
Инаку, од почеток на годинава, за периодот Јануари-Август 2024, остварен е вкупен промет од наплата на патарина, надополнување, продажба на уреди и наплата од поминувања од Опен Балкан во висина од 45.079.748,оо евра (четириесет и пет милиони седумдесет и девет илјади седумстотини четириест и осум евра).

Од почетокот на електронската наплата, пак, од 03.07.2019 до 01.09.2024 година, продадени се 33.620 Мтаг уреди и 195.825 МСмарт картички, или вкупно 229.455 електронски уреди. Целта на ЈПДП е стимулирање и зголемување на процентот на наплата со електронски уреди за побрз и побезбеден проток на сообраќајот на наплатните станици.

Увид во изградбата на на автопатската делница од Коридорот 10д Прилеп-Битола

Директорот на Јавното претпријатие за државни патишта Коце Трајановски, заедно со претседателот на Владата Христијан Мицкоски, со министерот за транспорт и вицепремиер Александар Николоски, нејзината екселенција амбасадорката на САД Анџела Агелер, како и со пратеници од Собранието и градоначалници од пелагонискиот регион беа на трасата на изградба на автопатската делница од Коридорот 10д Прилеп-Битола.

Тој изрази благодарност до сите кои помогнаа во процесот на откочување на работите за изградбата на автопатот и лично се заблагодари на премиерот и министерот, како и на амбасадорката, но и на градоначалниците кои помогнаа посебно во процесот на експропријација. Во својата изјава Трајановски рече:

„Ние сме сега еден чекор пред Бехтел и Енка. Ако претходно тие чекаа поради тоа што не биле решени експропријацијата не беше решено деминирањето сега веќе тоа е решено и сега нема да плаќаме толку пенали туку напротив Бехтел и Енка ќе трреба да не прати нас. Тоа е многу добро за Република Македонија затоа што кажува дека Владата и институциите во Владата фунцкионираат тимски и еве ги резултатите од тоа. Да кажам дека има овде околу 1300 катастарски парцели кои што треба вкупно да се експорпираат, од кои 850 се завршени и остануваат уште 450. Еден од главните проблеми тука е деминирањето. Околу 500 хектари треба да се деминираат. Деминирани се околу 100 хектари и најдени се 19.500 можни потенцијални експлозивни материјали пришто се извадени околу 200. Благодарност до АРМ која го врши деминирањето бидејќи обвде биле првата и втората балканска војна, првата светска војна, така што овој процес беше многу важен. Затоа се надевем дека со ова темпо и прогрес за три години оваа делница ќе биде готова и граѓаните на Битола, Прилеп и Ресен ќе имаат подобри услови за развојот, за економијата и за бизнисот. Потоа ако го земе во предвид и обиколницата на Битола како и експресниот пат Битола-Меџитлија кои се во план за градба, тоа практично ќе биде меѓународен пат на повисок ранг, односно ова е Кридор 10д.“

Трајановски: Европа и светот повеќе од 20-30 години се асфалтира и во зимски услови, а во Македонија ние за прв пат воведовме годинава!

Директорот на Јавното претпријатие за државни патишта Коце Трајановски се обрати на стручното советување на тема:„Современи трендови и предизвици во асфалтната индустрија” во организација на Друштвото за патишта на Република Македонија (ДПМ).

Говорејќи на темата Трајановски рече дека она што во светот е повеќедецинска пракса кај нас е воведено за прв оваа година.

„Интезнивно работиме и дење и навечер, во дел од ноќта се разбира, се работи дури и во зимски услови и она што ние го промовиравме за жал сега за прв пат во Македонија, во Европа и во светот е 20-30 годишна пракса. Благодарение на посветеноста на менаџерскиот тим и стручните кадри во ЈПДП, како и на соработката со професорите од Градежен факултет, секако и фирмите за изработка на асфалт и заложбата на надзорот и изведувачот. Благодарение на овие отпочнати процеси и на нашето залагање за откочување на сите закочени проекти кои ги затекнавме имаме напредок и на одредени патни правци како што се Градско-Дреново и Крива Паланка-Страцин и очекуваме до крајот на годината евентуално на почеток на следната да бидат ставени во фукнција“, рече Трајановски во своето обраќање.

Во однос на следењето на трендовите и предизвиците со кои се соочуваме како држава Трајановски смета дека за жал го изгубивме чекорот и ние како држава и компаниите кои своевремено држеа чекор со европските компании и беа конкуренти за разлика од сега кога каскаме зад нив, но тие како Влада со политиките кои ги преземаат прават сѐ за зголемување на конкуренцијата помеѓу компании сѐ со цел побрзо, поквалитетно градење на нови патишта.