Автопатот Скопје–Блаце заради неговата исклучлителна важност постојано е сфера на интерес на пошироката јавност. Токму затоа, директорот на Јавното претпријатие Ејуп Рустеми и министерот за транспорт и врски Благој Бочварски извршија увид во градежните работи кои се одвиваат со забрзано темпо.
![](https://roads.org.mk/wp-content/uploads/2021/11/slika1-1-1024x472.jpg)
„Во моментов како што може да видите се асфалтира, односно се извршуваат асфалтерски работи на кружен тек 1, Рампа 1, во должина од околу 400-450м. Од Изведувачот на работие Гранит, и од Надзорот ГИМ бевме информирани дека вкупниот прогрес на работите изнесува 48%. Сѐ додека временските услови го дозволуваат тоа и натаму ќе се работи интензивно“, изјави по увидот директорот Рустеми.
![](https://roads.org.mk/wp-content/uploads/2021/11/slika2-1-1024x472.jpg)
Инаку, изградбата на делницата Скопје-Блаце е поделена во две подделници и тоа: Првата делница од Граничен Премин Блаце до с.Блаце во должина од околу 1,9 км со средства од Буџетот на ЈП за државни патишта во висина од 14,2 милиони евра, и втората делница од с.Блаце до клучка Стенковец во должина од околу 10,5км која ќе се финансира со заем од ЕБОР.
![](https://roads.org.mk/wp-content/uploads/2021/11/slika4-1-472x1024.jpg)
![](https://roads.org.mk/wp-content/uploads/2021/11/slika3-1-472x1024.jpg)
Министерот Бочварски рече дека: „Косово е наш значаен трговски партнер, а изградбата на автопатската делница ќе даде дополнителен импут во зголемување на трговските релации.“