Почетокот на градежните работи  на оваа делница беше означен  во присуство на премиерот Никола Груевски и министерот за транспорт и врски Владо Мисајловски.
Во наредните шест месеци колку што е предвидено за реконструкција,   ќе се  постави нов асфалтен слој во должина од 6 км, а во насока на зголемување на безбедноста  ќе се зголеми  ширинатта на патот   од постојните 4 – 4,5 метри на 6  метри.

ФОТО : МИА

-На мојата последна посета и самиот имав прилика да се уверам колку санацијата на овој пат е потребна и важна за жителите на Николиќ. Поради тоа посебно ми е драго што конечно ќе го решиме овој горлив проблем на граѓаните. За таа намена обезбедивме 1,4 милиони евра, истакна премиерот Груевски
Според министерот Мисајловски  рехабилитацијата на овој патен правец е на барање на жителите од овој регион и  со неа ќе се подобри патната инфраструктура во овој крај.

Претседателот на Владата Никола Груевски   го означи почетокот на изградбата на патот кој ги поврзува населените места Мокрино и Смолари во општина Ново Село.

ФОТО : МИА

Премиерот Никола Груевски на отпочнувањето на градежните работи на патот истакна дека станува збор за проект кој е од големо значење за локалната економија, за туризмот и за олеснување на животот на населението.
– Со изградбата на патот ќе се олесни комуникацијата на жителите, побрзо ќе се стига до магистралниот пат и жителите нема да заобиколуваат и да поминуваат дополнителни километри за да стигнат до своите куќи и викендици. Патот Мокрино – Смоларе е всушност продолжение на нашите инвестиции во патната инфраструктура во општина Ново Село и струмичкиот регион, рече премиерот Груевски.
Патот во должина од четири километри треба да биде завршен за шест месеци. Инвестицијата е во вредност од 1,6 милион евра.