Ndërmarrja Publike për Rrugë Shtetërore gjatë shtatë ditëve të fundit filloi Pilot projektin me të cilin po kryen regjistrimin e sinjalizimit rrugor në 750 km rrugë në vend.

Gjegjësisht, me automjetin special të angazhuar në kuadër të mirëmbajtjes adaptive të sistemit RAMS, po mblidhen të dhënat për sinjalizim, të cilat futen me koordinata digjitale ndërsa përmes sistemit të fotogrametrisë po gjeo-referencohen saktësisht. Pas përfundimit të regjistrimit të dhënat do të përpunohen dhe do të futen në sistemin RAMS, i cili në fakt do të jetë një kadastër i sinjalizimit rrugor të rrugëve shtetërore.

Këto të dhëna më vonë do të përdoren për krahasim, zëvendësim dhe riparim më të shpejtë të sinjalizimit, i cili është i nevojshëm për drejtim  të sigurt dhe më të rregullt të trafikut.

Regjistrimi do të vazhdojë edhe në ditët në vijim dhe nëse në rrugët tona hasni në ndonjë automjet të pazakontë si në fotot e bashkangjitura, ju lutemi të jeni të durueshëm dhe t’i jepni përparësi pasi që është në favor të interesit tonë të përgjithshëm dhe na mundëson të qarkullojmë në rrugë më të sigurta.